10.floks lærugreinir á dagsskeiði
Eitt forkunnugt samstarv millum Tórshavnar Kvøld-, Ungdóms, og Listaskúla, Arbeiðsloysisskipanina, ALS, og Mentamálaráðið ber í sær, at Kvøldskúlin bjóðar út tíðaravmarkaðar 10. floks lærugreinirnar støddfrøði, føroyskt og enskt á dagsskeiði, ið varir frá november í ár til februar næsta ár. Undirvísingin er 3-4 tímar um dagin.
Eitt er, at fólk í ALS-skipanini fáa hetta góða høvið at hava lærugreinirnar støddfrøði, føroyskt og enskt á 10. floksstigi í boði. Skeiðið er eisini fyri onnur enn fólk í ALS-skipanini at brúka henda møguleika.
ALS rindar allan kostnaðin
ALS rindar allan kostnaðin av skeiðnum, Kvøldskúlin umsitur tey, og Mentamálaráðið skipar próvtøkuna í februar næsta ár.
Í roynd og veru kunnu øll, ið vilja víðka sín kunnleika í teimum trimum týðandi lærugreinunum, fara í kvøldskúla fyrst í november og ganga í skúla tríggjar-fýra tímar hvønn gerandisdag í tríggjar mánaðir.
Sostatt endar skeiðið um hálvan februar mánaði 2012, og tað er við próvtøku.
Lærugreinir - og lærarar
Enskt Harriet Vágadal Polulsen
Føroyskt Torkil Skaala
Støddfrøði Oddmar Danielsen
Tímatalvan
Verður tøk um 1-2 dagar.
Tilmelding
Arbeiðsleys og annars øll onnur kunnu tekna seg frá 21. til 31. oktober á heimasíðuni hjá Kvøldskúlanum til skeiðið.
Undirvísingin fer fram í hølum hjá Kvøldskúlanum í Havn í J.H. Schrøters gøtu 1 og hjá ALS.
Nærri verður at frætta í næstum í fjølmiðlunum á heimasíðuni, um skeiðini, ið byrja 7. november og enda um miðjan februar.
