Modeltekning- Framsýning í Smiðjuni í Lítluvík
Kvøldskúla-bólkurin í "livandi modelltekning" (qroquis-tekning), hjá Tórshavnar Kvøld- Ungdóms- og Listaskúla við Janusi D Guttesen, sum lærara, og sum í vetur hevur teknað eftir modell, sýnir fram tekningar í Smiðjuni í Lítluvík frá fríggjadegnum 28 jan. til og við sunnudagin 30 jan. frá kl. 15 - 18 allar tríggjar dagar.
Vit vísa hvussu vit tekna mannakroppin við m.a. blýanti, tusch og litkritum. Tekningarnar eru millum 1/2 minutt og hálvan tíma langar. Nakrar av tekningunum eru teknaðar við vinstru hond, ella tí hondini vit ikki eru von at tekna við - ofta við góðum úrslitið.
Tekning av livandi mannakroppi er grundarlagið hjá málarum, tekniraðsteknarum og øðrum, sum á ein ella annan hátt avmynda menniskjað í teirra list.
