Tilmelding til várskeiðini 2011
Tilmelding til várskeiðini 2011
Tann 22. november verður aftur møguleiki hjá havnarborgarum at tekna seg til várskeiðini, sum Kvøldskúlin bjóðar fram at byrja í januar mánaði komandi ár.
Skeiðini, eini 30 í tali, fevna m.a. um ymisk telduskeið, blindskrift, at seyma vestar til føroysk klæði, tøving fyri 2 ættarlið, foto, skriviskeið, indisk- og filipinsk matgerð, lívsdygd á ellisárum, umframt teknmál og skeið fyri orðblind.
Tíðir broytast og tí er neyðugt alla tíðina at laga seg til tær broytingar, sum samfelagsmenningin ber í sær. Moderniteturin krevur, at tingini henda skjótt og at broytingar eru at kalla støðugar. Hetta hevur við sær, at fleiri og fleiri ynskja styttri skeið, ið eru ymiskar tíðir á degnum, og sum skifta ofta. Hesum roynir Kvøldskúlin at leggja uppfyri við at bjóða fram eina røð av:
- styttri skeiðum
- morgunskeiðum
- vikuskeiftisskeiðum
- skeiðum fyri 2 ættarlið
Tilmeldingin letur upp 22. november kl. 18.00. Í hesum sambandi er skrivstovan opin frá kl. 18.00 -21.00
Tilmeldingin er umvegis heimasíðu kvøldskúlans: www.kvoldskulin.fo. Far undir tilmelding og vel lærugrein.
