Vatnskutari

Bólkur: Trygd á sjógv og landi
Lærari: Agnar Dahl
Jan Michelsen Hjaltalin
Malan Guttesen
Skeið nr.: 0090
Kostnaður: 2645 DKK

Eftir loknan lestur skal tann lesandi hava holla vitan um krøvini í kunngerðini til sigling við motorriknum stuttleikaførum við skrokklongd undir 4 metrar. Henda kunngerð verður rópt 'Vatnskutarakunngerðin', umframt holla vitan um krøvini í kunngerðini til sigling í Ramsar-økjum Nólsoy, Skúvoy og Mykinesi.
Haraftrat verður dentur lagdur á at kunna tann lesandi um týdningin av at nýta góðan sjómansskap og at seta trygdina í hásæti, tá siglt verður. Kenna til vandar við sigling í Føroyum og viðkomandi sjóreglur.
At enda verður siglt á sjónum við vatnskutara.
Undirvísingin í tí teoretiska partinum fer fram á netinum. Eftir at undirvísingin og samskiftið eru liðug, verður ein teoriroynd úr lisna tilfarinum svarað elektróniskt á netinum.
Tá royndin er staðin við nøktandi úrsliti, verður farið at sigla á sjónum við vatnskutara.
Undirvíst verður í 39 tímar íroknað VHF/ROC skeið á 35 tímar. Aldursmark 16 ár.