Koyrikort til lítil prutl (30 km/t)
| Tú, ið ætlar tær at taka koyrikortið, skalt vera fylt ella fyltur 14 ár og 6 mánaðir, tá tilmeldingin til skeiðið letur upp, og tað ber til at tekna seg til skeiðið eina til tvær vikur, áðrenn skeiðið byrjar. Fyrsta skeiðið í hesum skúlaárinum byrjar ætlandi í september/oktober. Nýggj tilmelding er til hvørt skeiðið, og lýst verður á facebook, so hvørt skeiðini byrja. Tá skeiðið er byrjað, verður bíðilistin strikaður og tilmeldast má av nýggjum. Øll kunning verður send við telduposti, og tí er tað av alstórum týdningi, at teldupostur og fartelefonnummar, sum eru upplýst, verða brúkt dagliga av foreldrum, verja ella næmingi. Persónur skal hava fylt 15 ár fyri at fáa koyrikort til lítið prutl. Bólkur AM 15 ár 30 km/t. Skeiðið er 35 undirvísingartímar, ávikavist 15 tímar í teori, 12 tímar í venjingarkoyring og 8 tímar í fyrstuhjálp. Fyrstu undirvísingardagarnir eru í teori, og ikki er neyðugt hjá næmingunum at hava prutl við hesar dagar. Til venjingarkoyringina skal næmingurin hava prutl, hjálm og heit klæði við. Prutlið skal vera skrásett sum lítið prutl 30 km/t og í lógligum standi. Til venjingarkoyringina fær næmingurin loyvi frá Akstovuni at koyra millum heim og undirvísingarstað, hesum skipa undirvísararnir fyri. Heitt verður á foreldur ella verja at kanna, um tryggingarviðurskiftini eru í lagi. Eisini eru 2 kvøld í 1. hjálp, men tað hoyra tit nærri um seinni. At hava við til teori fyrsta kvøldið: - Passmynd - Avrit av navnabrævi/dópsbrævi - Pappírskvittan frá Akstovuni á kr. 300,- - Duga P-talið Íroknað skeiðsgjaldið er undirvísingartilfar og fyrstuhjálparskeið. (Teoriroynd og verkligari roynd tekur Akstovan sær av). Borgarar í Tórshavnar kommunu hava framíhjárætt til skeiðið, men eru pláss eftir, eru aðrir borgarar eisini vælkomnir. |
Undirvísingin byrjar 7. oktobber 2024 klokkan 16.
Tú, ið ætlar tær at taka koyrikortið, skal vera 14 ár og 6 mánaðir, tá tilmeldingin til skeiðið letur upp, Tá skeiðið er byrjað, verður bíðilistin strikaður og tilmeldast má av nýggjum.
Skeið 0405, Mánadag, týsdag, mikudag og hósdag kl. 16:00 - 18:35. 1. hjálparskeið sambært avtalu.