Smátjóðir, samleiki og sjálvsavgerðarrættur í altjóða politikki

Vit byrja við eini innleiðslu til altjóða politiskt ástøði og grundleggjandi hugtøk og tilgongdir: hvat er altjóða politikkur, hvørjir eru aktørarnir, og hvussu kunnu vit royna at skilja og greina tilgongdir og hendingar í altjóða politikki?
Síðan viðgera vit hugtakið smátjóð og umrøða, hvussu vit kunnu greina atferð og leiklutir hjá smátjóðum – bæði hjá smáum statum og sjálvstýrandi økjum uttan formligt fullveldi. Í hesum sambandi hyggja vit eisini at sambandinum millum nationalismu, samleika, fullveldi og sjálvsavgerðarrætt: hvussu blivu stats- og fullveldishugtøkini til, og hvussu kunnu tey skiljast í dag?
Endaliga hyggja vit at hugtakinum paradiplomati – hvussu sjálvstýrandi øki føra uttanríkispolitikk uttan formligt fullveldi – og meta um, hvussu hetta fyribrigdi bjóðar okkara hugsanum um altjóða politikk av.