10 boð innan Vitlíki (AI)

Málbólkur:
Vanligir brúkarar við grundleggjandi KT-førleikum, sum ynskja at fáa betri fatan av hvat Vitlíki er, og hvussu tað ávirkar teirra gerandisdag og arbeiðslív.

Innihald:
Fyrilestur við framløgu og 10 greiðum, veruligum dømum, sum hvør sýna eitt kjarnuboð innan Vitlíki. Dømini lýsa bæði møguleikar og vandar umframt tey vísa, hvussu Vitlíki longu nú verður brúkt – og hvat vit eiga at hugsa um.

Fyrimunir er at hava egna farteldu við.

Úrslit:
Luttakararnir fáa eina fatan av, hvat Vitlíki er, hvussu tað virkar, og hvussu ein kann brúka (ella avmarka) nýtsluna á ein ábyrgdarfullan hátt. Luttakararnir verða betri førir fyri at spyrja spurningar, seta mørk og síggja møguleikar.

Um undirvísaran:
Undirvísarin fekk sína fyrstu vitan innan Vitlíki í ár 2000, tá hetta var fak á Handilsskúlanum í Vejle, har hann las til datamatikara. Síðani hevur hann fylgt menningini, og nú – eini 25 ár seinni – er henda tøknin vorðin partur av gerandisdegnum hjá øllum. Hetta skeiðið byggir á áralangar arbeiðsroyndir innan KT og gevur eitt innlit í tað mest grundleggjandi, tú eigur at vita um Vitlíki – sett fram sum 10 kjarnuboð.